Du ka Congress donhi wa sñiawthooh yei chem chitom ka thaaiñ mihsngi: Dr. Mukul

Shillong: Uwa yahkhmat ka liang pyrchah ka yung dorbar chna aiñ ka jylla Meghalaya uwa man leh u heh ka Congress u Dr. Mukul Sangma da ong u wa ka sorkar pyrdi haap sñiawthooh ko wa ka thaaiñ mihsngi toh kawa da chah khang kset talawiar (Land Locked) iwa pyntkoh ya kani ka thaaiñ wow ku ko ha ka liang khayi pateiñ, ya ini da ong u hadien ka yalang Manifesto Consultative Committee ynne ka sngi ha Shillong.

Katkam wa ong u Mukul, heipor wa em ka sorkar UPA ha Delhi ka sñiawthooh ko ya ini i chem chitom kani ka thaaiñ wei da leh ko ya ki kaam wow pynku ya ki jylla yow kynjoh kyrdan ko wa kiwi hapoh ka ri.

Da ong u wa ka sorkar pyrdi wa katni da kheiñ ya ki chnong wa em cha khapood kam ki nongkyndong wei ym sñiawthooh ki wa kini ki chnong man ki kam ki dwar wow wai ya ka khayi pateiñ wa ki ri wa em cha jan.

Da ong u wa ka Manifesto ka Congress neibynta ka 2019 Lok Sabha Election ka wow man ha uni u snem ym mylliñ ko yei angnood ki paidbah kani ka thaaiñ wei da thooh bniah bha ya ini deiwa ong wa ka Congress ym jooh kular ko yeiwa ymye ko u leh.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Da kdaw u leh wa ka BJP ha Meghalaya ha ka Manifesto da kular wow pynlait noh ya u mooyong hapoh 6 bnai lada wan ko heibor wei katni man ko ka lok ka sorkar MDA kawa em hei bor.

Da pynkynmoo u leh wa ha chwa ka Election 2014, ka BJP da kular ko wow pynuiñ ya waroh ka poisa wa kamai tooh (Black Money) wei na kani ka poisa daw e T. 15 Lak ha kiwi pa kiwi ki Bank Account ki tre ri tangwa cheiwon wiar kani ka poisa lada ym toh du ki kular wow yoh Vote.

Heiyatoh won wa i pynbait pood wa ka Assam, u Mukul da ong u wa ha ki por wa nachwa wa em ka AGP waka BJP ha ka liang pyrchah ym jooh em kwah ki wow pynbait ya u pood u ang.

Chooh chooh da ong u wa ha 16-03-2011 ka Meghalaya Assembly da chim ko ya ka rai wa ka sorkar pyrdi emkaam ko wow pynbait ya u pood chong ha ka jaitbru wa i ktien u thylliej tangwa ka Assam Assembly, haka 19-12-11 da chim ko ya ka rai wa wow pyrchah ya ini kamjooh yeiwa thmu ka sorkar pyrdi wow chna ya ka Commision yow pynbait ya kani ka kaam.