Shillong: Ka Central Executive Committee ka UDP da pyrchah joor ko ya i thmu wow pynman aiñ ka sorkar BJP ya ka Citizenship Amendment Bill 2016 deiwa dawa leh wow pyndam noh ya ka.
U Bindo M Lanong uwa man kam u Senior Working President ka UDP da ong u wa kani ka Bill kawa da wanrah da ka BJP daw man i iwa maa ya ka jaitbru khian paaid ymdu ha Meghalaya tangwa ka thaaiñ mihsngi hi waroh kawi.
Da ong u wa ha u snem 1998, da em ka chithi na u Lat ka Assam cha u President ka ri India wa ki bru wa wan psiah tooh cha India na Bangladesh em ki da ki phaw lak ngut. Da ong u wa i wan psiah tooh ki bru cha Assam daw ktah i leh wot ya ka jylla Meghalaya.
Da pyntip u wa mynstep ka sngi daw em ka yalang yong waroh ki seiñ saiñ pyrthai ha Guwahati wa da khut da ka AGP wow yaklam hajrong kani ka Bill wei daw em leh kiwa kitkaam ka UDP wow chimbynta ha kani ka yalang.
Heijooh i por da pyntip u wa ka UDP daw thoh ko cha ki Montri Rangbah ki jylla ka thaaiñ mihsngi wow yatylli wow pyrchah ya kani ka Bill kawa booh hei maa ya ka thaaiñ waroh kawi.
Discussion about this post