Jowai: Katkam wa pyntip ki pulit, ha ka 10 tarik uni u bnai heipor 11 waje i miet ki bru wym tipmit wa em kamwa 10-12 ngut kiwa keiñ suloi da siat ki ya kawi ka kari Bolero Camper wa em ya u number ML-08F-4185 wa yah da u Md. Mijanur Rahman (25 snem) ha Rongma Kakijagre, SGH.
I takit ki pulit da chem wa kini ki damok da dat ki leh ya uwi wa tip kam u Lean Ch. Marak tangwa ym em wa yap ha ini i jia.
Ha ka 27 tarik ki pulit ka North Garo Hills da chem ki ya kawi ka truck wa em ya u number AS-01-GR-2921 wa yah da u Mojuhur Ali kawa kit mooyong pyrchah ya ka aiñ wei da kem leh ya uwa yah.
Ha ka 24 tarik won ki pulit ka Jengjal da chem ki ya kawi ka truck wa em ya u number AS-01-PC-4238 kawa kylla ha sarok ha chong Anogre, WGH. Ha ka takit ki pulit da chem ki wa kani ka truck toh kawa kit dieñ pyrchah ya ka aiñ wei napoh kani ka truck da chem 50 tylli ki dieñ.
Discussion about this post