Shillong: Uwa yaleh RTI u Simon Dhar da pynbaad u wa u MDC ka JHADC, u Shemhok Garod ka Nangbah Constituency da pynemkaam bakla u ya ka poisa ka MDC Fund hapoh ka Constituency yong oo.
Hawa yaklam wa kiwa pathai khubor ynne ka sngi ha Shillong u Dhar uwa da wanlang wa ki kattu katni kiwa toh u yoh myntoi da pynbaad ki wa ym du wa soi pyrtuid tooh u MDC kamjooh da pynemkaam da ki pyrtuid ki bru kiwa ym em hapoh ka Constituency kam kiwa yoh myntoi.
U Simon Dhar da ong u leh wa da dep leh da ka RTI heiyatoh wa ini i kaam ar bnai nachwa heiwa da yoh jubab ha ka 7 tarik uni u bnai wei da chem wa T. 17 lak toh kawa da pynemkaam bakla da u MDC heiyatoh wow chna lyngkha wei wow saam tin yung hapoh ka CIG Sheet Scheme neibynta u snem 2014-2018.
Da ong u wa hadooh 70% kiwa mih pyrtuid toh kiwa ym em yoh myntoi na kini ki Scheme.
Da pyntip u leh wa 40 tylli ki pyrtuid kiwa mih kam kiwa yoh myntoi wow chna hali toh kiwa ym em kam kitæ ki bru wei da soi pyrtuid deiwa thoh du i ki ar tylli ki dak iwa sdang i pyrtuid wa i kur wei ka poisa waroh da poi ko T. 7 lak du na kini.
Chooh chooh u Dhar da ong u wa u MDC hap jubab u ya ini hapoh 3-4 sngi wei lada ym leh u ya ini daw e da ka FIR.
Neiliang kiwa toh u yoh myntoi kiwa emlang ynne ka sngi da pyntip ki da pyrchang ki wow yachem wa u MDC yow yoh pynche ya ini tangwa ym jooh em yohlaad ki wow yachem wa u MDC.
Discussion about this post