Kyntait ka HSPDP wa phah dorkhat wow pdiang du ya ki bru na Afghanistan wa Pakistan ha ka CAB

Shillong: Ka HSPDP da kyntait ko ya i mih khubor wa ka pdiang ko ya ki bru wa wan na Pakistan wa Afghanistan wow man ki kam kiwa chong chnong ha India kamwa da mih ha kini ki sngi.

Hawa klam wa ki laad pathai khubor ynne ka sngi, u General Secretary ka HSPDP u Renikton L Tongkhar uwa man leh u MLA na Mawkyrwat, da ong u wa i mih khubor khubor ha kini ki sngi wa ka HSPDP ka pdiang ko ya ki i bru na Pakistan wa na Afghanistan, ym toh iwa sakhiat neibhah ka seiñ ka pyrchah joor dei bor waroh ya ka Citizenship Amendment Bill (CAB) 2016 wa da chna da ka sorkar pyrdi.

Ha ka dorkhat wa da phah cha u montri rangbahdooh ka ri, u Renikton da ong u wa ka Party ka da klam che ko wa ka pyrchah ko ya ka CAB tangwa lada ka sorkar India ym maap ko yeini i pyrchah joor, toh u pynlait ko chi syndon ko ya ki bru na Bangladesh na kani ka CAB.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da ong u wa ka HSPDP da dawa ko wow pynkrehkaam ya ka Inner Line Permit (ILP) ha kani ka ri-loom kawa da man leh kam chibynta ki phang yalap Election tangwa neidaw wa em ko du ar ngut ki MLA, da chem chitom ko wow pynbor ya ka sorkar.