Jowai: Ka Khasi Students’ Union (KSU) da pynkha ko ya ka chnat krehkaam yong ka ha Nongkrem kawa tip kam ka KSU Nongkrem Circle ha ka 31 tarik u bnai wa da dep ha ka yung Dorbar Chnong, Nongkrem.
Da wan pynbaam smai ya kiwa kitkaam ka KSU Nongkrem Circle da u Donald Thabah (General Secretary, KSU) ha ka yalang wa da pynlai da u Raymond Kharjana (Environment & Cultural Secretary, KSU) hei emlang u Shemphang Lyngdoh Mawphlang (Vice President, KSU), u Vincent Makri (Executive Member, KSU CEC), u Shiningstar Kharbihkhiew (General Secretary, KSU Mawryngkneng Unit), u Frederick Kharmawphlang (Ex Vice President, KSU), u Egenstar Kurkalang, u Empower Warbah (General Secretary, NYDA), u Banehskhem Khyriemujat (Secretary, Seng Samla Nongkrem) wa u Bhalang Lyngdoh (Chairman, Nongkrem Dorbar Pyllun).
U Donald Thabah ha i klam yong oo da pynsñiaw u yei sñiawkmen hajrong i chimbynta wa i krehlang ki seiñ waphær waphær ka chnong Nongkrem kam ka dorbar chnong, ka Nongkrem Youth Development Association, ka Seng Samla wa ka KSU Nongkrem Circle, wei da ong u wa ini toh u man ko kam ka nongmuna kawa bha tam ya kiwi yow wanrah ya ka yatylli, ka suk ka saiñ wa ka roi ka paar ha ka imlang ka sahlang.
Da kyntu u leh ya ki dkhot ka KSU Nongkrem Cirlce wow man ki kiwa chemphang ym toh u rieh næ u tien ya ki moochynthut kiwa tyngkhooh ki, yow man ki kam kiwa chba charak ya ka chnong ka thaw wa ya ka jaitbru waroh kawi wei wow e doh wa mynsien neibynta ka jaitbru.
Kiwa kitkaam ka KSU Nongkrem Circle kynthup ki ya u Kheinkor Kharrngi (President), Syrpai Dkhar (Vice President), Iaishahbok Warkhyllew (General Secretary), Shanskhem Khyriemujat (Asst. General Secretary), Teilang Kharumnuid (Organising Secretary), Borshan Kharkongor (Education Secretary), Devian Nongkynrih (Environment Secretary), Mangpura Mylliemngap (Sports Secretary), Fening Kharmalki (Publicity Secretary) wa kiwi kiwi.
Discussion about this post