15 49.0138 8.38624 1 0 4000 1 https://wyrta.com 300 0

Rai u Wistful D Syiemlieh wow yakhun MDC na ka Jowai Central Constituency

0 Comments
Advertisement ad1

Jowai: U Wistful D Syiemlieh ynne ka sngi haka yalang kiwa kyrchaan yong oo ha Khliehiongriang, Jowai da pynbna paidbah u wow yakhun u yaka Election MDC cha ka Jaiñtia Hills Autonomous District Council (JHADC) kam u kyrtong samen wei da paan u leh ya i kyrchaan wa pura na ki paidbah wow jied ya oo kam uwa mihkhmat khang wow yoh u wow chakri yaka imlang sahlang.

Hawa e yei klam haka yalang da pynsñiaw u ya ini deiwa ong, “Kamwa nga man O u khon wa wan naka manyung wa dooh wa duk nga em O leh i thrang wa kongsan wow chakri ya kiwa dooh, doh wa mynsien”.

Advertisement ad1

Ka thong kawa booh u hakhmat dooh lada yoh u wow man kam uwa mihkhmat paidbah, toh wow thooh ya ki laad ki luti hajrong kammon wow pynkhooid wow yada yaka wah Myntdu kawa man ka wah wa psa umbaam umdih wa kær soodong yaka chnong Jowai, neitæ wow pynwiar yei roi ki baar jylla ha chnong Jowai kiwa wan kamai spah katwa ki bru yong i won chitom khih ki.

Da kular u leh wow krehlang wa ki dorbar chnong waphær waphær neibhah wa boon ki khynroo khyllood em ki i stat ha kti tangwa i kreh won ym yoh ki.

“Lada nga chong O ha kawon kawon ka chuki leh nga ymtieñ O wow yakhun neibynta ka jaitbru, hanlada chong patok O leh, næ wow dooh yei mynsien leh tang wow biang ka jaitbru,” da ong u Wistful.

Chooh chooh da ong u wa heisakhiat nadooh u snem 2014 da em yumut u wow yakhun yaka Election tangwa kopsar u Blai ympu yoo biang u ya oo tangwa ha kani ka kynti da yoo biang u ya oo.

Ha kani ka jooh ka sngi da chim u leh ya ka bynta wow pynskem ya kiwa kitkaam yong ki Polling Agent waphær waphær wa haap hapoh Jowai Central Constituency.

Advertisement ad1

0 Comments

Leave a Reply