Shillong: Ka sorkar Meghalaya da pynmih ko ya kini ki hukum ha wah heiyatoh wa i pynman ya ki Election MDC cha ki Autonomous District Councils wa em hapoh ka jylla.
Ka Security Deposit kawa ki kyndon em ki hapoh Rules 134(1) of the Assam and Meghalaya Autonomous Districts (Constitution of District Councils) Rules, 1951 kawa da pynkylla da pynku cha T. 3000 donhi.
I bai pynlut poisa uwi u kyrtong waroh (Maximum) wow yaleh Election ha kawi ka Constituency da kdaw hapoh ki kyndon Rules 176 of the Assam and Meghalaya Autonomous Districts (Constitution of District Councils) Rules, 1951 da pynku cha T. 5,00,000 donhi.
Ha kani ka Election daw ye leh u jied ya u None of the Above (NOTA) uwa daw pynemkaam nyngkong ha ka Election MDC. Lada jia wa yoh Vote palat u NOTA ya ki kyrtong wa yaleh daw jied ya u kyrtong wa boon Vote dooh kam uwa jop.
Ya ka chaap u NOTA man u katkam wa da jied da ka Election Commission of India.
Kini ki hukum u krehkaam ki chisyndon kat wym pynbna da iwi tawon.
Discussion about this post