Jowai: Hadooh kamwa 40 ngut tam ki bru kiwa kynthup ya ki khynthai wa chynrang yong ka chnong Nangbah, Ialong wa Myrjaï kiwa haap hapoh ka 7-Nongbah MDC Constituency, da kam ki wa da chah pynbiej næ da chah thok ki ha u MDC yong ki u Shemhok Garod hajrong i mih pyrtuid yong ki kam kiwa da yoh ya ki Scheme MDC kiwa kynthup ya ki tin yung, ki Scheme yarap ya ki hali wa kiwi de yong u snem 2014 hadooh u 2018. Heiyatoh wa ini i mih pyrtuid khlem i yoh myntoi na kawon kawon ka Scheme, kini ki bru da pynsñiaw ki yei sñiawsih wa khroo hajrong i mih pyrtuid yong ki.
Kini ki bru da pyrchang ki wow lai yachem wa u Shemhok Garod, yow tip mynnu u pynlait ya kani ka Scheme tangwa, “Neiliang yong oo ym em booh sngi u ya i wow pynlait næ wow e ya ki Scheme katkam wa da mih pyrtuid i wei katkam wa da pynche u ha ki khubor wa da dep ong wa da dep e tangwa kiwa boon hi ympu em yoh.” da ong ki.
Kamtæ ha ka 4 tarik, kini ki bru kiwa da mih pyrtuid da lai yachem ki ya u Shemhok Garod tangwa ym em u hapoh ka kamra krehkaam u.
Kamtæ neiliang kiwa ympu em yoh Scheme kiwa da mih pyrtuid da kyntu joor ki ya uni u MDC yong ki wow pynlait noh ya ki Scheme cha waroh kiwa da mih pyrtuid wa toh hok u yoh ya kini ki Scheme.
Discussion about this post