Wan pynyoo rong u Dr M M Prasad ya ki baam wa chna na ki dakha ha chnong Umlatkhur

Umlathkur: U Dr. M.M. Prasad u siantis napoh ka Central Institute of Fisheries Technology, Visakhapatnam  Andhra Pradesh, da li iachem u wa ki nong syang dakharang ka chnong Umlathur ka wa em hapoh ka Amlarem Sub-division. Da wan u da i thmu yow pynku ia ka “Nutritional Security” iong ki bru kani ka chong dei wa wanrah u wa ki bam ki dih na ka institute iong Oo wa pynmih wa chna ko naka dakha.

Da wanrah u ia ki Fish wafer wa man kam u papor, Fish Pickle achar dakha, Fish noodle u chow, Fish Kure, Fish soup powder, Rohu Fish Cury wa kiwi kiwi.

Da elad u leh ia ki bru iong kani ka chnong u mad ki ia i jingdih wa chna na u seaweed (u phlang wa mih hapoh duriaw). Ini i umsoh toh i wa boon iron bha wei i wa ye u iarap ia ki bru kiwa duna bitamin iron. Waroh ki wa da mad ia ini i jingdih ong ki wa bang bha i.

Da sdieh ki leh ia u Fish Wafer wa man kam u papor wei da ia mad lang waroh kiwa em ha kani ka sngi. Ong u Dr. Prasad wa ia uni u Fish Wafer da em i doh dakha ha Oo wei man i leh wa boon protein bha, ymtoh kam kiwi tawan ki papor wa em du ka carbohydrate.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da sam cha ki paidbah u mad ia i achar dakha wa chna na ka khabah.

Da iohlad leh ki bru u chet ia ka Fish Soup Powder kawa hap u chet ha ka um wa iñ wa ki jhoor næ kat wa bang ki bru u khleh lang. Ia ini i soup leh, bang bha kiwa mad iaka da ong ki man kam iwa chet cha ki restaurant.

Waroh kini ki bam ong u Dr. Prasad toh kiwa suk u pynkhreh da ki nongchong chnong ka Umlathkur. Ong u wa ye u e sikai yeini kamjooh leh kammon u pynemkaam ia ki tiar chna ia waroh kini ki bam.

Em naki wa syang dakharang iong kani ka chnong dang dep wan ki na ka institute iong u Dr. Prasad da khana ki wa ka rukom syang dakha ki pher wei khooid bha ko ha ka institute iong Oo. Ong ka kong Alma Mulat wa ki em ki da ki tyndur iow synang ia ki dakha ki. Ha poh kini ki tyndur em boon ki kyrdan wa ye ki u thap ia ki dakha wa kamjooh leh duna bha i pynemkam dien ki. Ong ko leh ini i rukom leh iong ki cheitai pyllait ko ia ki u chah tdem, neibhah man ko kawa chitom bha u syang kamwa leh ki katni ha chnong ki.

Ha ka ialang ha chwa u kut i iachem ki wa U Dr. Prasad, ki nong syang dakha da ong ki wa kwah ki na mynsien u ioh jing sikai u chna ia kini ki bam wei kamjuh leh ia u tyndur syang dakha. Da uni u tyndur ong ki wa daw iarap bha u ia ki khamtam heiwa u duna ilut ha i thied dieñ wa kamjooh u man ki wa chait wa khiah.

U Dr. Prasad ong u wa kwah ki u kyntu khamtam ia ki women entrepreneur  kiwa em ha kani ka chnong wei daw rah u cha u drector iong Oo ia waroh iwa kwah iong ki wei kamjooh leh u pynioh smat u ia kini waroh.

Ong u leh emkaam ki u syang dakha da iwa man hygienic nadooh i rukom pynkhooid wa i rukom syang, u pynbha ia ki dakha wa da dep chet ki ioh u ye u dai ha i dor wa ioh nong wei u neh slem ym toh ki wow smat pyut.

Na ka liang ka sorkar ha kani ka sngi da em u D.M. Wallang, Project Director DRDA, ka kong J. Kharpuri SDO Civil Amlarem Sub-division waka kong B. Blah, EAC.