Pynmih kyndon ka sorkar jylla wow pynbait yei yaknieh chap Election MDC

Jowai: Ka chnat District Council Affairs Department ka sorkar Meghalaya da pynbna ko ya ki kyndon wow jied chap (Symbol) Election hadien wa mih i yaknieh chap.

Lyngba u lat ka jylla hapoh i bor wa da pynkup ha oo hapoh ka Rule 4 ka Assam and Meghalaya Autonomous Districts (Constitution of District Councils) Rules, 1951 da pynbna u wa u Returning Officer hap bood u ya ki kyndon wa da kdaw ha wah lada jia wa em wa yaknieh ya ka jooh ka chap.

Ki chaap yong ki National Party wa ki Party wa da tipmit hapoh ka jylla u neh ki ki yong ki hi kamwa da e da ka Election Commission of India.

Lada jia wa em uwi u kyrtong wa pynyeiñ da ka Party kawa ym pu em tipmit wei kiwon won toh ki kyrtong samen kiwa yaknieh ya ka jooh ka chap, ya ka chap toh u e cha u kyrtong wa pynyeiñ da ka Party kawa ym pu tipmit.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Lada jia won em palat ar ngut ki kyrtong wa pynyeiñ da ki Party kiwa ym pu tipmit wa ki kyrtong samen, ya ka chap u jied hapyrdi ki kyrtong wa pynyeiñ da ki Party kiwa ym pu tipmit deiwa pynman ya ka khle nasib.

Lada waroh won ki kyrtong man ki ki kyrtong samen u e ya ka chap cha kiwa jop ya ka khle nasib.

Kani ka hukum u krehkaam ko chisyndon.