February 12, 2019

Rem ka Meghalaya haka Nagaland haka U-19 Women’s One Day League

by Wyrta Staff

0 Comments

Advertisement ad1

Shillong: Ka Meghalaya ynne ka sngi da rem ko haka Nagaland da 140 Run haka U-19 Women’s One Day League wa pynman ha Dehradun.

Ynne da man ko ka yalehke wa ar ya ka Meghalaya ha ki ar sngi, wei hadien wa jop ka Nagaland ya ka kylla khlem da jied ko wow Bat nyngkong wei ym em man ko kawa suk ya ka Meghalaya.

Ka 100 Run naka Antima Teotia da e bor ko ya ka Nagaland kawa da kamai 211/7 na ki 50 Over.

Kiwa kawang bol ka Meghalaya kiwa da leh bha toh ka Dasanbaniewkor Wahlang (2/27) waka Deiphibapynshngain L Mawnai (2/32) wei da yarap ya ki da ka Wahlang kawa duna dooh wa chah kamai da 2.27 Run chi Over. Kiwi de kiwa yoh u pynhaap Wicket toh ka Thymmei Lyngdoh (1/35) waka N. Roy (1/39).

Ka Meghalaya hawa kdong ko ya ka thong wow jop da ye ko wow kamai du 71 Run na ki 38.4 Over.

Ka Meghalaya kattu daw yoh ko u chong ngiah le sngi wei daw yachem ko waka Bihar ha ka 15 tarik.

Ka Bihar da jop ko ya waroh ar tylli ki yalehke wa da dep yaleh ko.