Shillong: Ka Nationalist Congress Party (NCP) da pynsñiaw ko wa i randien ka Party na ka Election cha ki ar tylli ki District Council ha ka jylla toh neidaw wa ym em aiñ wow kdoh ya ki MDC wow yut seiñ ki manda jop ki.
Hawa yaklam ynne ka sngi wa kiwa pathai khubor, neiliang u president ka NCP Meghalaya u Saleng Sangma uwa man leh u MLA na Gambegre, da ong u wa daw em ka yathied bru wa khroo bha kamwa man man la i por ha ki District Council neidaw wym em ki aiñ wa kdoh ya ki MDC wa jop wei daw mih kawi ka Executive Committee hadien kawi neidaw i thied khlieh bru donhi.
Da pynrap u leh wa ki khlieh ka Party kiwa em ha Delhi ym kwah ki wow yakhun ya ka Election MDC ha kani ka kynti tangwa ye ko leh wow pynyakhun ha ki por wow wan.
Kam wow kdaw heini ka UDP leh da pynsñiaw ko leh yei emkaam wow em ka aiñ wow kdoh ya ki MDC khnang wow yait ki nei yut seiñ khamtam chwa kani ka Election MDC cha ki District Council.
Napyrdi ki Party ki wym em booh kyrtong ha kani ka kynti kynthup ki ya ka Bharatiya Janata Party (BJP) kawa em ar ngut ki MLA wa ka Nationalist Congress Party (NCP) kawa em uwi u MLA kiwa kyrchaan ya ka sorkar synrop Meghalaya Democratic Alliance (MDA) wa da yahkhmat da ka NPP.
Heiyatoh won wa ka Election MP neiliang u Saleng da ong u wa i yaklam hajrong kani ka phang dang lai i chakhmat wa kiwa yahkhmat ka Party ha Delhi.
Discussion about this post