Mih ki paidbah wow pynyoo yei kyrchaan ya u Ri-Ioo Sten

Jowai: Kiwa kyrchaan u Ri-Ioo Sten u kyrtong ka NPP uwa man leh u MDC wa katni na ka 12-Barato-Mukroh Constituency, da mih paidbah wow pynyoo yei kyrchaan wa pura sa chisien ha ka yalang padibah kawa pynman ha ka 22 tarik uni u bnai ha chnong Barato.

Kiwa kyrchaan u Sten da kyrmen ki wa u jop biang u napyrdi ki 7 ngut ki kyrtong wa daw yaleh ha kani ka Election MDC.

Boon ki paidbah ki kyruiñ khmat ki cha ka Party NPP neibhah wa sñiawthooh ki wa du kani ka Party wa ye u wanrah ya ka roi ka paar, khamtam kawa yoo ya kiwa dooh wa duk kiwa sem chilliang kup chilliang, heiwa u Sten da ong u wa ka Party ka dang wai dwar ko ya kitu kiwa kwah wow psiah cha ka Party khlem da pait chilliang wow krehlang ya ka bha ka miat yong ka Constituency waroh kawi.