Jowai : Ka seiñ West Jaiñtia National Council hadein wa da sakhi ko da ki khmat wa ha ka Jowai Civil Hospital, Ialong boon kiwa punkhon kamjooh kiwa dang khian khon haap thiah ki ha khyndaw da beiñ joor ki ya kiwa pyllai ya kani ka thaw sumar.
“Man i iwa kjut nood u yoo wa hadooh ki khonboo leh haap thiah ki ha khyndaw” ong u President ka WJNC u Pillar S. Phawa.
Da kylli ka seiñ wa kani ka hospital dang duna ko boon jait, kam ki nurse wa ki thaw thiah kamtæ ki bor wa pyllai ya ka ym jooh em wa lai li ood ki cha ki bor sorkar ya waroh ini i duna kani ka hospital?
Lada em wa jia wa sñiawsih ya kini ki manbei neibhah pynthiah ya ki ha ka luti lai luti wan ki paidbah wa mih wa psiah waroh chi sngi yi wow bahkhlieh.
Kamtæ neilaing ka seiñ ong ko wa bha u khang tala noh ya katai ka hospital lada ka sorkar ym ye ko u pynbiang yei emkaam ki paidbah. Wei ka seiñ leh daw leh ko yeiwa emkaam lada ka sorkar ym ye ko u pynbiang yei emkaam katai ka hospital heipor wa biang.
(File Photos)
Discussion about this post