Hadien wa dadep ka yathap Vote ha ka 27-02-19 neitæ dapoi ka rai wa khaddooh wayoh O yei jop ha ka 02-03-19, nyngkong, e ngooh O ya u Blai uwa da emlang chirup waroh hi eh i, nadooh wa sdang hadooh wakut ka Election. Sñiaw O toh i kamram yong nga wow e khublei kyrpang yaphi waroh kiwa thap Vote yong ka 19-Jowai South Constituency kiwa da e sakhiat ya nga ini i burom wow man kam u MDC u yong phi, e khublei o ya ki Waheh Chnong, ki Secretary wa kiwa krehkaam yong ki Chnong waphær waphær hapoh ka Constituency.
Chooh chooh pynsñiaw O i burom ya u Deputy Commissioner, West Jaiñtia Hills District, ka Returning Officer, JHADC MDC Election, West Jaiñtia Hills District, u Superintendent of Police, West Jaiñtia Hills District, ki sahep sorkar wa waroh kiwa kreh sorkar wa ki pulit kiwa da pyntoh pynbiang ya ka Election nadooh wa sdang hadooh wa dep. E khublei haroh O ya ki para Candidate na kani ka Constituency yong nga heijooh ipor ya waroh kiwa thap vote kyllum lang waroh khlem dañiaw chiliang utu næ katu.
Iwa khaddooh i wymhoi u mylliñ O, e khublei o ya ka yung ka sem yong nga waroh, ki kha ki man, ki khon ki nat, ki janyung jansem, khamtam ya ki wa krehkaam chnong hapoh ka chnong yong nga wa kiwa chong chnong yong ka.
Paan map O naphi waroh wym ye O u khoh pyrtuid ya uwi pa kawi, sñiawbha chimlang wa ini toh i e khublei iwa kyrpangdooh na nga uwa dangdep jied thymme phi kam u MDC u yongphi, u Saron Pasweth, Panaliar Jowai na ka 19-Jowai South Constituency.
Discussion about this post