Shillong: Ka Indian National Congress (INC) kawa da jop 10 ngut ki MDC cha Khasi Hills Autonomous District Council wei 4 ngut ki MDC cha Jaiñtia Hills Autonomous District Council da rai ko wow chong ha ka liang pyrchah ha KHADC hanlada ka party yoh ko chiboon ki MDC khamtam ha KHADC.
Hawa yaklam ynne ka sngi hadien i yachemlang ki MDC ka party, u heh ka Congress Parliamentary Party (CPP) ha KHADC, u Lamphrang Blah da ong u wa ka party da chim ko ya kani ka rai wow chong ha ka liang pyrchah wei ympu yooluti ko wow yahkhmat ya ka executive committee.
Da ong u leh wa ka party ym sai ko ya u kyrtong neibynta ka chuki CEM, tangwa ka dwar ka party man ko kawa wai lada em ki party kiwa kwah yei yarap yong ka neibynta katai ka chuki.
Chooh chooh da ong wa hadien ka Election MDC ki paidbah da pynsñiaw ki wa ki dang chaniah ki ha ka Congress deiwa e i kyrchaan ya ka khamtam ha ri-loom Khasi.
Neiliang ka secretary ka CPP kawa man leh ka MDC na Nongshken, ka Grace Mary Kharpuri da ong ko wa waroh ki MDC da rai ki wa ympu kwah ki wow yakhun wow yoh u yahkhmat ya ka EC tangwa u pynman won ki ya ka liang pyrchah wa khlan.
Ka Kharpuri da ong ko wa kiwi ki kaam yong ka party daw wan ki hadien habood deiwa pynrap leh wa waroh ki MDC ka Congress man ki kiwa yatylli wei skem mynsien ki wow pynkhlan ya ka liang pyrchah ha KHADC.
Discussion about this post