Jowai: Ka District Labour Office, Jowai deilang i krehlang wa u Nodal Officer wa District Manager yong ka Scheme PM-SYM, West Jaintia Hills District, da pynman ki ya ka yalang wow wai ya kani ka Scheme baam tymmen kiwa toh ya kiwa mylla sngi ka Pradhan Mantri Shyam Yogi Maan-Dhan ynne ka sngi ha District Library, Jowai.
Ha kani ka sngi da man leh ka sngi wa wai paaidbah lang ha waroh ka ri da u montri rangbahdooh ka u Narendra Modi ha Ahmedabad wei da pynyoo paidbah leh ya ini.
Ha kani ka sngi da em leh ka R.S.Manner, ADC, West Jaintia Hills District, u K.L. Pariat, President ka Muster Roll Worker Union, Jaiñtia Hills kiwa da e yei klam hajrong i emkaam yong kani ka Scheme ya kiwa kreh mylla ha ki jaitkaam waphær waphær kawa yarap kaam ya ki samen kamjooh kiwa ha yung ha sem yong ki kamjooh.
Da yoh leh ya i pynche wa kammon wow pynpsiah pyrtuid ya kiwa kreh mylla khnang wow yoh myntoi na kani ka Sheme da u District Manager yong kani ka Scheme u Marda-oo-Myrchiang. Kiwa mylla kiwa em hapyrdi 18-40 snem i rta ye ki wow pynpsiah pyrtuid ha kani ka Scheme deiwa lai mih cha ki Common Service Centre (CSC) kiwa em ha kylleiñ ki chnong hapoh ka District deiwa rah lang ya ki Aadhar Card wa ki Bank Passbook yong ki.
Kiwa yoh bai baam tymmen ym duna ko ya T. 3000 chi bnai wei i kynchew man ka bnai man ko kawa duna bha.
Also Read: Pynmih Scheme Pension wa thymme ka sorkar ya ki 42 klur wa kreh mylla
Discussion about this post