Chimkti u PN Syiem kam u Chairman, u Teinwell kam u CEM ha KHADC

Shillong: Ynne ka sngi u MDC ka Mawkhar-Pynthorumkhrah uwa man leh u CEM warim ka KHADC, u Pynshngain N Syiem da chimkti u ya ka chuki kam u Lamphang næ u Chairman KHADC katwa u MDC ka UDP na Shella u Teinwell Dkhar da chimkti u kam u CEM neibynta ka samoi wa chisnem hapoh kani ka Council.

Ya ka chuki Chairman da ekti da ka Deputy Commissioner ka East Khasi Hills, ka Matsiewdor War Nongbri kawa da pynlai ya ka dorbar heipor wa sdang hadien wa bichaar ya ki le ngut wa tyrwa ya u Pynshngain.

Ya i pyrtuid u Pynshngain da tyrwa da u Lambor Malngiang, u Gigur Myrthong wa u Alwin Khyriem Sawkmie, wei da kyrchaan da u Latiplang Kharkongor, u Rangkynsai Kharbuki wa u Sherborlang Mawlong. 

Katwa ya ka chuki Chairman, ka United Democratic Alliance (UDA) kawa man ka satri synrop ha KHADC kawa da yahkhmat wow chna ya ka Executive Committee hapoh ka Council ya ka chuki CEM da ekti noh ha u MDC ka UDP na Shella u Teinwell Dkhar u wow kreh chisnem.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hadien wa u Pynshngain wa u Teinwell da chimkti ki ya jiar jiar ki chuki neiliang ki MDC hapoh ka Council da ekhublei wei da kitbok ki leh kamjooh ya kini ki ar ngut.