Ym em tipmit mar rep ya u murit khloo, sla tyrpad wa ya u saroo

Shillong: Ka sorkar jylla ka da klam che ko wa ki jait thung wa mih ha ki khloo, kam ya u murit khloo, sla tyrpad wa u saroo wym ye wow tipmit ki kam ki mar rep.

Hawa jubab ya iwa kylli da u MLA ka Mawsynram, u Himalaya Shangpliang, neiliang u montri rangbah u Conrad K Sangma da ong u wa ka sorkar ym ye ko u pynman mar rep ko ya kam u murit khloo, u sla tyrpad wa u saroo tangwa da pyllait ya ki wow chah kheiñ kam ki mar khloo da iwa wanrah ya i kylla ha ka Meghalaya Forest Regulation and Application Act, 1973.

U Conrad da ong wow pynbait ya kani ka kaam man ko kawa eh bha neidaw wa daw hap embynta lang wa kiwa boon ki chnat sorkar, tangwa da ong won u wa ka sorkar daw leh bniah yow pynbait noh smat ya kani ka kaam.

Da pyntip u leh wa ka dan na kini ki mar hadooh katni da khrong da ka chnat khloo ka sorkar jylla wei ha ki thaw wa em hapoh ka District Council da chim dan da ki District Counci. Chooh chooh da ong u wa i wanrah ya i pynkylla ha ka Meghalaya Forest Regulation and Application Act, 1973, ya kini ki jait thung ym kheiñ de ya ki kam ki mar khloo yow lait noh ki nei toh dan.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chwa ya ini neiliang u montri ka kaam rep, u Banteidor Lyngdoh da pyntikna u wa ya kani ka kaam u pyndep noh hapoh 2 næ 3 bnai wei ka kaam dang lai i cha khmat yow pynlait ya kini ki jait thung kam ki mar khloo.

Neiliang u Shangpliang da pynsñiaw u sñiawhun ya ini i rai yong ka sorkar khamtam wa kini ki mar u lait noh ki na i toh dan.