Shillong: Ka Congress ha Meghalaya da pynsñiaw ko wa daw yoh ko yei jop na waroh ar tylli ki Constituency ha ka jylla, u Vincent H Pala na Shillong wa u Dr. Mukul Sangma na Tura.
Hawa yaklam wa kiwa thoh khubor, u President ka Meghalaya Pradesh Congress Committee (MPCC), u Dr. Celestine Lyngdoh da ong u wa ki paidbah toh u sñiawthooh ki wa da toh i por wow pyndooh noh ya ka BJP na ka sorkar neidaw kiwa boon ki daw khamtam heiyatoh wa ki kaam pynroi ka sorkar pyrdi.
Da e nongmuna kam ya ka Mudra Scheme kawa toh neibynta wow yoh sdang kaam ki khynroo khyllood, ka sorkar NDA kawa yahkhmat da ka BJP heiwa ym ye ko u pynmih ya ka bui namo ka Report neidaw wa em i duna. Da ong chooh chooh u wa ka sorkar wa yahkhmat daka BJP ka da khang pyrchah ko leh wow pynmih ya ki Report wa i joor i dooh kreh katni bar ya ka 45 snem wa da lai, nadooh ka Report wa da leh da ka Sixth Annual Unemployment Survey ha u snem 2016-17, i ku ki wym yoh kaam da man ko 3.9% wa 6.1% wa da leh da ka National Survey on Job Creations.
Da ong wa ha i synchaar ka BJP ka da yooh beiñ ko nadooh ki laad pathai khubor wot ya ki chnat ka sorkar.
Discussion about this post