Jowai: Ynne ka sngi ka lympung yalehke Football kawa tip kam ka Under 12 Football Tournament Boys/Girls hapoh ka Chief Minister Youth Development Scheme hapoh ka Thadlaskien Block kawa pynman da ka yung krehkaam u DSO West Jaiñtia ha Madan Stadium Wahiajer, da poi ko chawa kut.
Ha ka yakhun Final yong ki kynthai, ka Wahiajer SC da jop ko ya ka Jaiñtia Secondary School, Jowai da 3-0, ha i liang ki chynrang won ka Dulong da jop ko ya ka Larnai SC da 5-0.
Ya ki yakhun ynne ka sngi da wan sakhi da u DSO ka West Jaiñtia u H. Shangpliang wa ki dkhot ka Wahiajer Sport Club, wa u Kmenlang Shylla uwa man u Waheh chnong ka Wahiajer da man u kam u kongsan wei ya ka yalang ynne ka sngi da pynlai da u Iarly Dhar uwa man leh kam u President ka Wahiajer SC.
Da ini i jop kini ki ar dhab daw yoh ki u lai chimbynta cha ka District Level ka wow man ha Jowai nadooh ka 26-03-19.
Discussion about this post