Jowai: Ka Tympang Club Pdengshakap da yoh ko wow pynman ya ka yalehke Semi Final wa ar ha kani ka 23 tarik uni u bnai heiwa ka Shkenpyrsit SC da jop ko yaka Shkentalang SC da 3-2.
Hawa sdang ka yalehke yong ka kylla step ka Shkenpyrsit SC da yoh ko wow thap kool nyngkong lyngba u Lastborn Suting haka minit kawa 26 wei da pnybood sa chi kool da u Roikhih Nongtdu ha ka minit kawa 44.
Hawa sdang ka kylla miet, ka Shkentalang SC da yoh ko wow su kylliang lyngba ka kool u P. Bhujia haka minit kawa 57 kawa pynbood sa chikool lyngba u Sheen Sohktung haka minit kawa 73 kawa da pynpoi ya ka yalehke mar 2 kool.
Katwa haka minit wa 80 u Samuel Shadap da yoh u wow thap yaka kool wow pynjop ya ka Shkenpyrsit SC.
Kamtæ neiliang ka Tympang Club Pdengshakap da pynbna ko wa ya ka yakhun Final yong kani ka Tournament daw pynman haka 30 tarik uni u bnai hapyrdi ka Mawjatap SC kawa na East Khasi Hills waka Shkenpyrsit SC na West Jaiñtia Hills ha i por 01:00 waje i sngi.
Kamtæ da khut ya waroh kiwa maya ya ka yaklehke Football wow wan sakhi ya ka yakhun Final.
Discussion about this post