Jowai: Ka Chief Minister Open Football Tournament 2019 Under-12 (Boys/Girls), West Jaiñtia Hills, Jowai District Level kawa sdang ynnin ka sngi ha madan Kiang Nangbah Stadium, Ladthadlaboh da pteiñ biang yaka ynne ka sngi.
Ki yalehke ynne ka sngi da pynman le tylli du ya ki chynrang donhi.
Haka yalehke wa nyngkong ka Madankynsaw USCC da jop ko ya ka Riwar Jaintia C.O.G. Sec. School da 2-1.
Haka yalehke wa ar hapyrdi ka Govt LP School Nongkynrih waka Lurshai Larnai da kut ko 0-0.
Haka yalehke wa le ka Dulong FC da pynrem ko yaka Madankynsaw USCC da 1-0.
Kamtæ ka yakhun Final wow pynman mynstep neiliang ki kynthai toh hapyrdi ka Laskein UP School pyrchah ya ka Seng Samla Shnongpdeng heipor 11 waje i step katwa neiliang ki chynrang won ka Dulong FC u yachem ko waka Govt LP School Nongkynrih heipor 12 waje i pyrdi sngi.
Discussion about this post