Shillong: U Chairman ka yung dorbar ka Khasi Hills Autonomous District Council (KHADC), u Pynshngain N Syiem da ong u wa i pynbaad u Dy. CEM, u Pyniaid Sing Syiem wa da leh chiliang u hawa pynlai ya ka dorbar mang tyngka man ko kawa ym em yurim deiwa pynrap wa u Pyniaid dang man u uwa thymme ha ka kaam kam u Dy. CEM.
U Pynshngain da ong u wa kam u Lamphang la ha yung dorbar ka jylla namo ha District Council haap wow pynlai bait ya ka dorbar khamtam hawa ki dkhot ka liang synchaar ymye ki wow e jubab deiwa biang heipor wa kylli yutip ki dkhot.
Da ong u wa ym myntoi wow kylla lada ka Executive Committee ym ye ko wow jubab deiwa kyntu ya ka EC wow man kawa da pynkhreh heipor wa wan dorbar ki.
Hajrong i pynbaad u Pyniaid wa u Chairman thmu u wow dai sarom ya ka EC neibhah wa kwah u ya ka chuki CEM, neiliang u Pynshngain da ong u wa ini toh i klam mutdur hi-eh u Pyniaid wei ym em iwon iwon kam itæ neibhah hun u wow chong ya ka chuki kam u Chairman ka Council.
Da ong u wa lada u Dy. CEM em u i wym sñiaw yahaap toh u wanrah yaklam ha ka Parliamentary Party ka NPP namo wow wan da kiwi ki luti, tangwa kamwa man katni u Dy CEM da lai lait u yeini.
U PN Syiem da ong u wa u Dy. CEM ymtoh u pynlut por u du wow pynbaad bru tangwa emkaam wow chimkhia ya ki phang wa yatoh wa ka Council kam ka MUDA Bye-law, ka VAB, ka kaam tih mooyong, wa kiwi kiwi.
Discussion about this post