Jowai: Uwi uwa kyrchaan ya ka National People’s Party (NPP) ha Arunachal Pradesh da chah siat yap u ynnin ka 29 tarik heipor wa pynman yalap Election ha kiwa suba toh ki dkhot ka Nationalist Socialist Council of Nagaland (NSCN-IM) kiwa rah yabor ya oo wa ya u lok u.
U dkhot ka NSCN-IM da dat u ya uwa kreh Party ka NPP uwa tip kam u Jaley Anna wa u lok u u Kham Nai Abhi ha chnong Kheti wa em ha Tirap District heipor 10 waje i miet ka 29 tarik da pyntip ki pulit.
Uwa khlaad toh uwa kyrchaan ya u kyrtong ka NPP uwa yakhun MLA na Khonsa West ka jylla Arunachal Pradesh u Tirong Aboh.
U Anna da khlaad u pyn ha kani ka thaw wa jia katwa u Abhi won dang sumaar ya oo ha Dibrugarh Medical College Hospital, Assam.
Ki dkhot ka NSCN(IM) wa emkti ha kani ka kaam da tip kam u Eli Kethak uwa chong chnong ha Kheti.
Neiliang u Conrad Sangma uwa man leh kam u National President ka NPP da beiñ joor u ya ini wa jia katwa u kyrtong u Tirong Aboh da booh FIR u.
Dang yang chooh ya ki khubor heiyatoh wa ini.
Discussion about this post