Jowai: Ynnin i miet heipor kamwa 10:20 da wan u slap wow phria wa joor chirup wa ka ær-yong heiwa da chah ktah da ki spah tylli ki manyung ka chnong Shnongrim, East Jaiñtia Hills.
Ka Shnongrim toh ka chnong wa haap ha Elaka Nongkhlieh, wa Saipung C&RD Block wei em kamwa 187 tylli ki manyung hapoh kani ka chnong. Uni u phria da siam u ya ki tnoom yung wei da antaad wa da chah ktah hadooh 90% ki manyung hapoh ka chnong.
Heipor wa haap u phria da em ki manyung kiwa chah ktah hadooh kattæ heiwa wot hapoh palong leh haap rieh ki na u phria. Da em leh ki yung kiwa da jæd da pai wei da haap sah noh ki wa kiwa marjan kamjooh kiwa hayung hasem yong ki wa ki yung khyndaw-bilat.
Ym du kattæ da chah ktah leh ki trep syiar, trep masi, trep booh dieñ wa kiwi kiwi kamjooh leh ki mar rep hapoh kani ka chnong.
Ha ini i jia ym em wa mynsoo tangwa neiliang kiwa chong chnong da kyntu joor ki ya ki bor District kamjooh leh ki bor sorkar wow wan e yarap bran bran cha ki kam ha kini ki por wa chem chitom ki.
Discussion about this post