15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1
Advertisement ad1

Yoh sikai ki bru ka SSA heiyatoh wa UDISE PLUS 2018-19

0 Comments
Advertisement ad1
Advertisement ad1
Advertisement ad1

Jowai: I pyndap ya ka U-DISE PLUS FORM hei rukom watoh man ko kawi na ki bynta wa kyrpang yong ki bor watoh u peit u yoo ya ki thaw purae nae ki skur. Kamtæ hajrong kani ka thong ka yung krehkam yong ka District Mission Coordinator, SSA West Jaiñtia Hills chimkhia ko wow pynman ya ka prokram e sikai kyrpang ya ki Block Resource Person, Cluster Resource Person, Block MIS wa ya ki DEO.

Ya kani ka prokram watip kam ka Training for BRP’s, CRP’s Block MIS & DEO on UNIFIED District Information System For Education Plus 2018-19, Data Capture Format da pynman ha kani ka sngi Muisang 1 tarik u Naitung ha Yung Walieh ka Loompyrdi Iongpiah heiwa ki bru ka Sarva Shiksha Abhiyan naman ki Block yong ka West Jaintia Hills dawan ki wow yachimbynta.

Advertisement ad1
Advertisement ad1

U R.L. Bimee Suwer, District MIS Coordinator, SSA West Jaiñtia Hills ha kani ka training daman u kam uwi na ki bru chemphang wow e i klam i batai chaphang ki bynta ka U-DISE chirrup dei kynchiaplang kiwi ki Coordinator wa kynthup yow Nangroi Kma, Civil Work Engineer, D. Manner, Jr. Engineer, SSA wa u Esalanmi Dkhar, Planning Coordinator, SSA West Jaiñtia Hills District.

U R.L. Bimee da khanna u leh kattu neini chakhmat nadooh uni u snem ya ka SSA wa ka RMSA da pynhap hapoh kawi ka satri watip pyrtuid kam ka Samagra Shiksha Abhiyan wei hapoh kani ka thong krehkaam yong ka sorkar India u em chiboon ki rukom yoh myntoi ya ki skur kamjooh ya ki khynnah, kamtæ kyrsu kyntu joor u ya ki Block Resource Person, ki Cluster Resource Person wa ya ki DEO-MIS yong ki Block waphær waphær wow man ki kiwa bniah yei rukom pyndap ki skur ya ki UDISE PLUS FORM khnang yow lait u mih iwon iwon i artadtien, i bakla wei wit i thut hadien habood neibhah ki bor sorkar ha Delhi hawa chna laad yarap ki ya kiwon kiwon ki bynta wa yatoh wei puræ-puthi næ i myntoi ki khynnah skur pynchong yurim baitki kat kam ki sabud wa em ha ka UDISE PLUS FORM.

Advertisement ad1

0 Comments

Leave a Reply