Da ka Quit Notice e ka KSU-War Jaiñtia ya ki truck wa wan kamai pyrchah ya ka aiñ

Jowai: Ka Khasi Students’ Union War Jaintia hapoh i yahkhmat u President u Laitphar Syngkrem wa u Organising Secretary yong ka Jaiñtia Hills District u Leningrad Tariang ynne ka sngi da lai e chithi (Quit Notice) ki ha ka Sub Divisional Officer (SDO) ka Amlarem ka J.U. Kharpuri neibynta wow phah beh noh ya ki truck ki baar jylla kiwa kamai pyrchah ya ka aiñ hapoh War Jaiñtia hapoh chi tayaw.

Hawa yaklam waka Kharpuri, ka seiñ da pynsñiaw ko wa ym kwah de ko wow chim ya ka aiñ ha ka kti, wei chong ha ka yung krehkaaam ka sorkar wow pait ya kani lada ye ki wow leh ya i kaam yong ki wei lada ym ye ki ym yohsa biang wow mih cha sarok wow phah lai liwan ya ki truck.

Ka seiñ ka pyrchaah joor ko du ya ki truk wa mantre da ki baar jylla, wei ym em pyrchah ya kitu wa mantre da ki bri u Ynñiawtrep.

Neiliang ka SDO da ong ko wow pait chwa ya ki Number ki truck wa da e daka seiñ ha i por wa da dep lai sylli wei da paan por ko neidaw wa katni wa boonkaam wei daw phah ya ki sahep wow sylli ya ki kot ki sla yong kini ki truck kiwa ym biang ya ki kot ki sla wei u beh noh ya ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da ong ko leh wa ym chongngiah neibynta kani ka kaam neibynta ya ka thaaiñ waroh kawi, neibhah nadooh kiwa yah truck toh kiwa na baar jylla kiwa leh kamni kawa daw ktah ya ka imlang sahlang yong ka thaaiñ War Jaintia, wei ym e laad leh ya ki bru wa chim kabu yow myntoi samen.

Ini toh katkam wa pyntip u General Secretary u Lurman B. Talang.