15 49.0138 8.38624 1 0 4000 1 https://wyrta.com 300 0

Mih lai chibynta ka Meghalaya cha ka Santosh Trophy Final Round

0 Comments
Advertisement ad1

Shillong: Ka Meghalaya Football Team ynne i janmiet da mih ko yow lai cha Ludhiana, Punjab, yow chimbynta haka Santosh Trophy Final Round, ka wow sdang nadooh 8 tarik uni u bnai.

Ka Meghalaya da psiah ko cha ka Final Round hadien wa jop ko ya ka Group A ka North East Qualifier deiwa pynrem ya ka Tripura waka Mizoram ha u Thohlakhmi (Feb) 2019.

Advertisement ad1

Ya ka Meghalaya daw yahkhmat da u Khlain Pyrkhat Syiemlieh kam u Coach.

Ynne i step ha Shillong, u Meghalaya Football Association Senior Cell committee Member u L Darlong da pynchlur u ya kiwa yalehke ka Meghalaya deiwa ong wow chim bait ya ka kabu wa yoh ki.

“ka Santosh Trophy toh kawa ya waroh wei kiwon kiwon ye ki u jop ka kamtæ ym toh u pynsepai ya ka kabu wa yoh neibhah ka laad wa ar ye ko ym wan de,” da ong u ya ki.

Ka Meghalaya u yachem ko waka Odisha, Goa, Delhi wa Services ha Group A ka Final Round. Ka Meghalaya u yachem nyngkong ko waka Delhi ha kani ka 8 tarik, pynbood saka Odisha haka 10 tarik, Services haka 14 tarik wa Goa haka 16 tarik uni u bnai.

Ki Services toh kiwa da man Champion la 5 sien, wei da dep jop ki leh ya ka National Football Championship ha u 2015-16. Ka Goa leh kawa jooh man Champion boonsien, tangwa ym pu em rah ki ya kani ka Santosh Trophy nadooh u 2008-09 wei da rem Final ki ha u 2016-17.

Haka Group B da em ka Assam, Maharashtra, Karnataka, Punjab wa Sikkim. Du ar tylli namo ki Top Two Teams na kawi ka Group wow yoh u lai chakhmat yow psiah Semifinal.

Kiwa yalehke ka Meghalaya: Kenio Lyngkhoi, Brolington Warlarpih, Mediphrangki Pohleng, Batskhem Tariang, Donborlang Nongkynrih, Raikutshisha Buam, Donlad Diengdoh, Ebormi Buam, Kynsaibor Lhuid, Niawkorlang Kyndiah, Skhemthik Salahe, Samuel Shadap, Ronaldkydon Lyngdoh Nonglait, Banpynkhrawnam Nongkhlaw, Damonlang Pathaw, Wanlamsuk Nongkhlaw, Frolicson Dkhar, Figo Syndai, Atlanson Kharmaw, Enestar Malngiang

Officials: Khlain Pyrkhat Syiemlieh (Head Coach), Dious Lapasam (Assistant Coach), Matheus Khyriem (Manager), Sandarson Kharbyngar (Physio).

Advertisement ad1

0 Comments

Leave a Reply