Jowai: Ka Seng Pynneh Pynsah Dohkha Nartiang Elaka ha ka 2 tarik uni u bnai da e FIR ko neidaw wa em ki bru wa ymtipmit wa e bih ki ya ki dakha ha ka wah Myntang.
Ka seiñ da ong wa ini i choh bih ya ki dakha da sdang ko nadooh ka 17-03-19 hadooh ka 31-03-19 ha thwai Sahban wa ha thwai Iapbriew wei neiliang ki pulit leh da wan ki cha kini ki ar thaw yow chem sabut ya kiwa e bih.
Ka seiñ da ong ko leh neidaw wa em wa pynemkaam dei bih yow yap kini ki dakha, daw ktah ko leh ya ki bru wa ki mrad wa pynemkaam ya kani ka um.
Neiliang ka seiñ da pyntip ko wa da jooh yoh ko u kem ya ki bru wa jooh leh ya kam kini ki kaam tangwa pteiñ bait i.
Discussion about this post