15 49.0138 8.38624 1 1 4000 1 https://wyrta.com 300 0

Pynthymme ka KSU ya ka Mawprem Circle haka sngi Kyrsu Ri ka seiñ

0 Comments

Jowai: Ha ka sngi Kyrsu Ri namo ka Khasi National Awakening Day, kawa man ynnin ka 4 tarik, ka Khasi Students’Union (KSU) Central Executive Council da yoh ko wow pynskem wei wow pynbaam smai ya kiwa kitkaam ka KSU Mawprem Circle ha Community Hall yong ka Dorbar Chnong Lumkshaid ha i por 5 waje i janmiet. 

Ya i baam smai ya ki dkhot ka KSU Mawprem Circle neibynta ka samoi krehkaam 2019 – 2022 da chim da u President ka KSU CEC u Lambok Starwell Marngar. Ya kani ka baam smai da wan sakhi da kiwa boon kiwa yahkhmat ka CEC kiwa kynthup ya u Donald V Thabah (General Secretary, KSU CEC), Biangbor L. Paliar (Organising Secretary, KSU CEC), u Manly Nongpluh (Finance Secretary, KSU CEC), u Rapborlang Nongrum (Publicity Secretary, KSU CEC) hei emlang u Rishan Nongsiej (Ex Finance Secretary, KSU CEC), u David Syiemlieh (Rangbah Shnong, Dorbar Shnong Mawbah) wa u P. Marbaniang (Secretary, Sngithiang Local Committee).

Ya kani ka yalang da pynlai da u Rapborlang Nongrum, wei da yoh yei klam leh na u Donald V Thabah, u Rishan Nongsiej, u David Syiemlieh wa na u Lambok Starwell Marngar. Kiwa klam waroh da kyntu ki ya ki dkhot wa thymme ka KSU Mawprem Circle wow chakri hok ki doh wa mynsien ya ka seiñ neibynta i bha i miat yong ka jaitbru khamtam ha ki thaaiñ Mawprem deiwa pait ya ki kaam wan chong chnong ki baar jylla wa ki baar ri, ki kaam wa sih kam i joor i dih drug kawa man hakhmat dooh.

Kiwa kitkam ka KSU Mawprem Circle kynthup ki ya u Arristone Thabah (President), u Badonkupar Nongbri (Vice President), u Sambha Kupar Shylla (General Secretary), u Alexander Mutyen (Assistant General Secretary), u Raplang Dhar (Education Secretary), u Pynshngain Bantei Marwein (Assistant Education Secretary), u Nangsandor Ryntathiang (Organising Secretary), u Ricky Pathaw (Assistant Organising Secretary), u Anrose Nongbet (Publicity Secretary), u David Jyrwa (Assistant Publicity Secretary), u Adorn Mutyen (Environment & Cultural Secretary), u Pynskhem Warjri (Assistant Environment & Cultural Secretary), u Samuel Shabong (Sports Secretary), u Rikupar Nongbri (Assistant Sports Secretary), u Franky Lyngdoh (Assistant Sports Secretary), u Samuel Lyngdoh (Assistant Sports Secretary) wa 20 ngut ki Executive Members. Ki thaw wow krehkaam yong ka KSU Mawprem Circle toh ha chnong Lower Mawprem, Upper Mawprem, Mawbah, Dymmiew, Lama Villa wa Lumkshaid.

Ha kani ka jooh ka sngi ki dkhot ka KSU kiwa em ha ri-loom Khasi wa Jaiñtia da saam paidbah ki ya kot lakdop chaphang ka Sngi Kyrsu Ri namo ka National Awakening Day kawa man leh ka sngi wa khai thma hapyrdi ka sorkar phareng (East India Company) waka Hima Khadsawphra wei ya kani ka thma da tip leh kam ka 1st Anglo-Khasi War.

Ha kani ka kot lakdop da klam nadooh wa chah hiar thmu u syiem Sutnga ha Jaiñtiapur, ka thma hapyrdi ki phareng, Assam waka Burma hadooh wa poi cha ka ya soi ya ka Treaty of Yandaboo, i chna ya u sarok na ri thor Brahmaputra cha ri thor Surma, wei i poi i sdang ka thma 1st Anglo-Khasi War.

Kamtæ ka seiñ da khut ko ya waroh ka bri u Ynñiawtrep ya u Khynriam, u Pnar, u Bhoi, u War, u Maram, u Lyngngam wa u Diko u man ki kiwa yatylli, wa ya sñiawthuh yumut yow lait u em kiwa ye u knieh yaka pliang ka yong i, i hok yong i la haka khyndaw wa ka chyiap.  

Advertisement ad1

0 Comments

Leave a Reply