Jowai: Ka HYC-Thadlaskein Area Unit (TAU) hapoh i yahkhmat u President u Phaitki Suna wa u General Secretary yong ka, u Firstly Sari ryngkat wa ki dkhot da lai sylli ki ya u sarok NH4 na Ladmukhla cha Nongbah Kyndong Tuber (LNKT ) hadien wa yoh ujor na ki paidbah yei sih uni u sarok khlem em i chna pynmiat da boon snem.
Kani ka sarok wa lai lyngba ka chnong Mukhla ter ter chadooh Nongbah ka seiñ da chem ko yei chah iehbeiñ u kamwa la 11 snem kattu khlem i chna pynmiat.
Da chem ko wa khamtam hei tlang haap maad ki yei laphooh katwa hei liyur won manda slap da dap ka um ktieh hapyrdi u sarok wei ini da pynchitom i ya ki paidbah yong kani ka thaaiñ kiwa pynemkaam ya uni u sarok.
Ka seiñ da beiñ joor ko ya ka chnat PWD hajrong ini deiwa kyrpaad ya kiwa mihkhmat ka thaaiñ wow chimkhia u chna pynmiat noh ya uni u sarok.
Neiliang ka seiñ da ong ko wa daw booddien ko ya ini i kaam wei lada ym mano ki bor yeini, ka seiñ ym yohsa de ko wow chim noh da kawi tawon ka rai neibynta i bha i miat ki paidbah.
Discussion about this post