Jowai: Hadooh 11:45 i step kiwa thap Vote hapoh ka jylla Meghalaya yow jied ya ki MP da mih ki 35% heiwa waroh kiwa thap Vote da em ki 19,14,795 ngut da pyntip u CEO u FR Kharkongor.
Neiliang u Conrad Sangma da sñiawskem u wa ka Agatha wa u Dr. Jemino daw jop ki neidaw wa da yoo ki paidbah yei krehkaam ka sorkar MDA.
U kyrtong ka Congress u Vincent H Pala da ong u wa ha kani ka Election man ko kamwa jooh wa kiwi ki Election iwa phær toh wa em ka pyrchah ki paidbah ya ka CAB ha waroh ka ri-loom Khasi wa Jaiñtia kamtæ da yooluti u wa daw poi hi cha ka thong. Wei da ong u leh wa i rukom thap Vote ki paidbah ha ki Election MDC, MLA wa MP phær ki khamtam haka MP wa ym em ka noh poisa kamtæ ki paidbah jied ki deiwa pyrkhat wa stat yong ki.
Hawa kylli kammon sñiaw u ya ki kaam wa da leh u kam u MP ha kini ki 10 snem, da jubab u deiwa ong wa 5 snem da em haka liang synchaar katwa 5 snem won em ha ka liang pyrchah wei heipor wa em ha ka liang synchaar da yoh u wow sdang ya kiwa boon ki Project wa sahkut kam wow chna sarok, ki thaw puræ wa kiwi kiwi da yoh wow pyndep ya ki. Ha kini ki 5 snem won wa da em ha ka liang pyrchah da ong wa yoh yutip boonjait kammon wow chong ha ka liang pyrchah.
Heiyatoh wa u mooyong won da ong u wa ha kini ka chisnem wa da dep em boon ki kaam tih mooyong pyrchah ya ka aiñ wei ym toh iwa eh ya ka BJP wa ka sorkar jylla wow wai noh ya u mooyong tangwa neidaw wa boon ki bru wa yoh nong na i khayi tooh ya u mooyong kamtæ pynslem u wai ya oo.
Da ong u leh lada poi hei jop i kaam wa hakhmat dooh i yong oo toh wow pynyoh khih yoh kreh ya ki khynroo khyllood deiwa pynku ya ka kaam uiñke suwari.
Discussion about this post