Jowai: U General Secretary ka Synjuk Waheh Shnong East Jaiñtia Hills District ha ka kyrwoh wa da phah u da ong u wa hadien 5 snem i chah khang wow tih mooyong, kiwa chong chnong ka East Jaiñtia Hills District da maad ki ya ki chitom wa boon jait.
Nyngkong da ong u wa da ku ki kaam wa sih kaam tooh hapoh ka District.
Da sdang boon kiwa dam skur chiteiñ por ki khynnah neidaw wym ye de ki bei ki pa wow kyrchaan poisa wow su bai skur hadooh wa da em ki skur ki bru samen kiwa da khang khyrdep neidaw wym ye de u pynmih ya ka bai lut bai sep yow pynlai ya ka skur.
Ki tre kari kiwa thied deiwa chim da ka ram ym ye de ki u su neidaw wa da hiar ka khayi pateiñ.
Neitæ da mih won sa ki bru wa chimkabu wow dawa poisa neidaw wa slem ka sorkar wow pynlait noh wow tih mooyong biang.
Ka sorkar leh ym chimkhia ko wow thooh laad da kiwi ki khih ya kiwa chong chnong kiwa da jooh im ja na u mooyong deiwa pynchlur leh wow rep katkam ka juk wa katni ha ki thaw wa em ki thaw tih mooyong kiwa da chah ieh noh.
Khaddooh khatwai u General Secretary ka Synjuk da ong u wa i wym ye ka sorkar wow chna ya ka Mining Policy kawa paka hadien 5 snem da neh bait i kang tih mooyong.
Discussion about this post