Da jan dap chi snem dang chimpor ka sorkar wow pynbait yei eh ha Them mator

Shillong: I yakhih wow kyrriah ya ki bru wa sah ha Them mator da poi ko kattu chi snem duna wei neiliang ka sorkar ka ym pu em ye ko wow chim ya ka rai wow kyrriah ya ki bru wa sah ha ka tai ka thaw neidaw wym yoh ya ka thaw wa biang wow phah sah ya ki bru wa toh hok kiwa kreh sorkar.

U symbood montri rangbah uwa man leh u Chairman ka High Level Committee (HLC) da ong wa ka sorkar ka dang thooh thaw ko hadooh katni wow kyrriah ya ki bru wa sah ha Them mator.

“I thooh thaw man ko kawi na kiwa eh nalor i mantre ya ka tai ka thaw khamtam wei kani ka kaam kyrriah katni da em ko ha ka yung bichaar,” da ong u.

U Prestone da ong u wa ka sorkar ka ym em chong ngiah ko namo da pynkut noh ko ya kani ka kaam, tangwa ymye ko wow batai hadooh katwon u chim por wow pyndep neidaw wa hadooh katni dang yakhun wow pyndep smat lyngba u Advocate General wow yasaaid ha yung bichaar wei da thooh leh ya kiwi de ki laad.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa ka tai ka thaw iwa boon toh em i hei pait yong ka Hima Mylliem wa ka Shillong Municipal Board (SMB) kawa em du kamwa 13 Sq. Ft.

“Lada toh em du kawi ka phang wow kyrriah donhi kawa da ye wow pyndep, tangwa ki phang man ki kiwa ya tyngkhooh, kamtæ ka sorkar leh ka haap kow wow bichaar bniah khnang wa ym mih eh hadien hawa bood kawa ye u pynkut syndon ya kani ka kaam,” da ong u Prestone.

Heiyatoh won wa i chang ka luti na Bimola cha Them Iewmawlong, neiliang u montri da ong u wa ka sorkar ka haap ko wow pyrkhat yei chong suk chong saiñ iwa pynman wow khang ya kani ka luti hadooh katni.