15 49.0138 8.38624 1 1 4000 1 https://wyrta.com 300 0

Pynman Trade Fair ka Better Life SHG ha Jowai

0 Comments

Jowai: Ka Better Life SHG, Iawmusiang Jowai da pynman ko ya ka Trade Fair kawa sdang nadooh ynne ka 22 ha madan Tympang Club Iawmusiang Jowai, heiwa heipor wai ya ka da yoh ktien pdiang sñiawbha na u Raj Passah uwa man kam u Secretary yong kani ka SHG.

Da yoh leh yei klam na uwa na ki dkhot kani ka SHG u Damanbha Niangti uwa da pynsñiaw yei ktien sñiawngooh wa da yarap ki waheh yong ka Dorbar Chnong Tympang wa ki chnat waphær waphær. Da ong u leh wa kam ki khynroo toh u bood ya ki nongmuna wow pynku ya ka jaitbru, wei da pynchlur u leh ya ki dkhot ka SHG kiwa da ye wow yeiñ hei kjat yong ki.

Da yoh leh yei klam naka R. Manner kawa man kam ka Additional Deputy Commissioner, WJHD kawa da ong waka SHG da ye u ko u pynman ya kani ka Trade Fair ha i por wa kyndian wei da pynchlur ko leh ya kiwi wow seiñ ki kam kani ka Self Help Group khnang wow yoh myntoi ki wow yeiñ ki ha ki kjat yong ki hi wei da pynchlur ko ya ki khynroo khyllood yong ka chnong ka thaw wow thooh laad ki wow seiñ khih deiwa pait nongmuna na kini ki khynroo khyllood.

Da yoh leh ya i klam na u Rahman uwa man leh kam u Coordinator yong ka Trade Fair uwa da ong wa i krehkaam yong oo waka Better Life SHG man ko kawa sñiawsuk wei daw krehkaam lang chooh sam cha khmat yow kyntu hi ya ki khynroo khyllood wow chem sap ki u kreh ha kiwa boon ki kaam.

Da pynkut ya ka yalang wai da ki ktien e khublei na u dkhot ka Better Life SHG u Joman Passah.

Advertisement ad1

0 Comments

Leave a Reply