Jowai: Ynne ka 30 tarik, ka Social Cell ka Jaiñtia Students’ Movement (JSM) kawa yahkhmat da u Ardipaul Rymbai kam u Chairman yong kani ka Cell da e snam sñiawbha ki ya kawi ka manbei ka Ruki Phawa na ka chnong Mihmyntdu kawa chah sumaar ha Dr. Norman Tunnel Hospital, Jowai.
Hawa yaklam wa u President ka seiñ u Leningstar Rymbai, da ong u wa i pynkha ya kani ka Cell toh hadien wa kam kiwa yahkhmat ka JSM boonsien jooh yoh ki chiboon i paan yarap para jaitbru ym du na ri-loom Jaiñtia kamjooh na Khasi wa kyrpaad pynyoh snam wa e sñiawbha.
Kamtæ hajrong kani ka yurim, ka JSM ka da pynkha noh ko da ka Social Cell khnang wow wanrah ya i yarap wa smat ya para jaitbru wa emkaam snam.
Kam wow leh ya ka thong kani ka Social Cell, hadien wa ka seiñ da yoh yutip ko wa ka Ruki Phawa ka emkaam snam ko, u Chairman yong kani ka Cell u Ardipaul Rymbai da leh u ya iwa emkaam deiwa phah ya ki ar ngut ki dkhot yong ka seiñ wa kynthup ya u Phrangki Chyrmang (u dkhot hapoh ka JSM West Circle) wa u Remius Rymbai na ka Central.
Discussion about this post