April 30, 2019

Paan pynche ka Home Ministry na u Rahul Gandhi yei chah pynbaad u wa oo toh u tre ri ka UK

Advertisement ad1

Jowai: Ka Ministry of Home Affairs (MHA) Foreigner Division da thoh ko cha u President ka Congress u Rahul Gandhi deiwa phah cha oo da ka Notice hadien wa em wa ujor yei man u kam u tre ri (Citizen) ka India.

Ya ka ujor da e da u Rajya Sabha MP u Dr. Subramanian Swamy.

U Swamy haka MHA da pynbiang u ya ki kot ki sla wa pynyoo wa da em kawi ka Company kawa pyrtuid ka Backops Limited kawa da em pyrtuid (Register) ha United Kingdom ha u snem 2003 kawa da e yei yungkrehkaam ko wa em ha 51 Southgate Street, Winchester, Hampshire SO23 9EH wei u Rahul Gandhi da man u kam uwi na ki Director wa Secretary kani ka Company.

Chooh chooh haka yukheiñ kani ka Company wa yatoh wa i yoh i kot yong ka (Annual Returns) wa da e haka 10-10-2005 wa 31-10-2006, da e wa ka sngikha u Rahul Gandhi toh haka 19-06-1970 wei u Rahul da pynbna u wa man u kam u tre ri British.

Kamtæ u BC Joshi, Director, Citizenship ka Home Ministry haka Notice wa phah u cha u Rahul Gandhi da e por u ya oo ar tayaw wow pynche ya ini.

Uwa ujor, u Swamy da pynbaad u ya ini ya u Rahul Gandhi nadooh u snem 2015 wa u Rahul Gandhi toh u British Citizen. Ha u 2016, u Rahul Gandhi da pynbaad u wa uni u heh ka BJP da kwah u wow yah bakla ya ki paidbah wei da kop u ya oo wow wanrah ya ki kot ki sla yow pynsakhiat ya ini i kam u wei neiliang u Swamy haka ujor u da phah u deilang wa 14 sla ki kot ki sla cha ka MHA kam ka sabut.