Jowai: Ka seiñ JSU War Jaiñtia Circle ha ka 29 tarik uni u bnai da lai yachem ko ya u Chief Engineer, Distribution yong ka MeECL, ha i yachem wa u Chief Engineer, ka seiñ da pynsñiaw ko yei sur u paidbah kiwa da ood da naam yei eh i khoo yong ki na i rukom krehkaam ka MeECL ha ka thaaiñ Amlarem Sub-Division neidaw wa dooh bordiñ khak khak ha ka thaaiñ waroh kawi khamtam ha ki chnong Nongtalang chadooh Dawki, Bakur waka Elaka Darrang waroh kawi.
I dooh bordiñ khamtam ha i por slap wa heiwa joor ka la-ær ha kini ki thaw da ktah ko ya ka chnong ka thaw waroh kawi wei ka seiñ da dawa ko naka MeECL wa na ka bor sorkar wa ki toh u pynbiang ki ya ka bor diñ ha ka por wa biang .
Neiliang ka seiñ da kyrpaad ko na u Chief Engineer ka MeECL wow kyrriah noh ya i por pyndooh bordiñ (Load Shedding) ha kani ka thaaiñ deiwa pyndooh noh nadooh 12 waje pyrdi synyaw hadooh 4 næ 5 waje i step.
I daw wa dawa kiwa chong chnong ya ini i kyrriah por toh na i daw wa ki ym jooh yoh bordiñ ki ha i por wa biang na i daw wa pynthut u slap ka la-ær wei lada toh i por wow yoh bordiñ ki, da poi won i por wow sdang ka Load Shedding.
Kamwa man kattæ i por pyndooh bordiñ ka MeECL toh nadooh 9 waje i miet hadooh 12 waje pyrdi synyaw iwa da pynthut bha ya kiwa chong chnong ka thaaiñ waroh kawi wei boon na kiwa puræ ha ki skur wa ki College dang pynkhreh ki ya ki Exam yong ki waphær waphær.
Discussion about this post