Yooluti ka BJP wow yoh MDC hapoh ka KHADC khlem pynyeiñ kyrtong heipor Election

Shillong: I mih ka huri hura ha ka Executive Committee wa yahkhmat da ka United Democratic Alliance (UDA) ha Khasi Hills Autonomous District Council (KHADC) da pynman ko ya ka Bharatiya Janata Party (BJP) wow ong wa ka smat ko wow pdiang ya ki MDC cha ka Party.

“Lada wan ki, u pynbaptist bait noh ya ki wut wut,” da ong uwa yahkhmat ka BJP u AL Hek ynnin ka sngi.

Kam wow pynkynmoo wa ka wa ka BJP ka ym em sai kyrtong ko haka Election MDC kawa da pynman ha uni u snem na waroh ar tylli ki Autonomous District Council (ADC), wei neiliang u Hek ha kitu ki por da ong wa hanlada ym em sai kyrtong ko leh tangwa daw pynbaptist ko ya ki MDC kiwa jop.

U Hek da ong u wa hadooh katni ka Party ym pu em yaklam ko wa uwon uwon u MDC wei ya ini ka Party daw bichaar won ki hadien.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha iwi tawon i liang, ka yalang ki MDC kiwa em waroh ha synrop yong ka United Democratic Alliance (UDA) wa synchaar ha Khasi Hills Autonomous District Council (KHADC) da sahkut ko ha suiñ hadien wa kani ka yalang wa da emlang da waroh ki MDC wa kynthup ya kitu kiwa da phah ya ka chithi wow dam noh u kyrchaan ya ka Executive Committee ym ye wow chim ya ka rai, tangwa da pynkut deiwa ong wa daw yaklam biang haka tayaw wow wan.