Jowai: I chlai ka wah Leteiñ nadooh ka chi tarik uni u bnai da pynsangeh ko ya i kreh kiwa taan um na ki krem mooyong wa em kiwa chah kset ha Ksan, EJH.
Ynne ka sngi i chlai um da rap hiar i tangwa ym em duna hadooh wa ki kari wa kit ya kiwa kreh wow lai luti ki cha chilliang yow poi cha Ksan.
Ini i chlai um da ktah ko leh ya ki kari wa kit phniang ya ki Generator wa pynemkaam ki 9 tylli ki Pump wa pynemkaam da ka Coal India Limited, KSB waka Kirloskar iwa mut lada kiwa kreh lait ki u lai dei kjat tangwa ym ye ki u pynemkaam ya ki Pump.
Kamtæ i sangeh wow taan um da poi i la 5 sngi.
Discussion about this post