15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pawnaam ka KHADC wow chna aiñ, katni won hei yaknieh poisa: HYC

0 Comments
Advertisement ad1
Advertisement ad1
Advertisement ad1

Jowai: Ka seiñ HYC da ong ko wa ka Special Assistance Scheme wa e da ka sorkar pyrdi cha ka KHADC ym toh ka poisa wow poi cha ka kata yong uwon uwon wei ym toh u pynemkaam bakla ya ka da kiwon kiwon neidaw wa man ko ka poisa wa toh u poi cha ki paidbah.

Ha kini ki snem kiwa da lai i da yoo  wa ka KHADC da pawnaam ko wow chna ya ki aiñ wow yada ya ka jaitbru Ynñiawtrep. Tangwa katni won du 2 bnai wa wan ki MDC thymme da yoo won ya i yaknieh poisa, wei ini man ko kawa ym ye u pdiang wei man ko leh i yoobeiñ yei angnood ya ka jaitbru naka KHADC. Ka jaitbru ka angnood ko wa ka KHADC u wanrah ko ya ki aiñ wow yada ya i man kyrpang, ya ka riti dustur, ya ka khyndaw ka chyiap, ya ki dorbar tre ri wei wow boodien ya ki Bill wa da dep chna khamtam ya ka Khasi Lineage Bill wa kiwi kiwi.

Advertisement ad1

Ha-o ym ye wow len wa du wa wan ka EC wa thymme, ki EM ka Trade wa Labour ki da chimkhia ki kattu katni wow pyrchang wow krehbha, tangwa sñiawsih wa em won kiwa boonkam ha i yaknieh poisa wa i knieh chuki. I chlur yong kini ki MDC wow yaknieh poisa wow yaknieh chuki yoo la kamwa wow hukum ya ki sahep ka Council wow thap ya ka poisa paidbah ha ki Bank Account yong ki kamwa da suba nachwa wa u CEM warim u P N Syiem da hukum u ya u Secretary ka KHADC wow chim ya ka poisa ka Professional Tax wei wow thap ka haka Bank Account yong oo hi wei wow pynemkaam bakla ya ka poisa lyngba ka Monolith Festival wa kiwi de. I lyngngoh i wa hadooh katni ki pulit ym pu em pyndep ki ya ka takit hajrong kani ka kaam. I wym pynchitom ya uwa hukum wa uwa leh ya kani ka kam pyrchah aiñ wow thap poisa ha ki Bank Account yong samen wow pynemkaam ha ka Monolith Festival da pynman ko ya ki MDC wa katni wow yaknieh poisa deiwa mutdur wa daw yoh ki wow thap cha katta yong ki.

Ka HYC ka dawa wei maham ko ya waroh ki MDC wa ka poisa lyngba ka Special Assistance Scheme toh ka wow poi cha ki paidbah ym toh cha ka Bank Account yong kiwon kiwon kamwa man nachwa. Ym tuklar i mar katwon phi ya saam phi tangwa toh u pyntikna wa poi lut ko cha ki paidbah. I daw bood dien i wow pyntikna wa tang chityngka na ka poisa wa da mang ya ki paidbah ym toh u psiah ko cha ki Bank Account yong uwon uwon.

Ka seiñ da kyntu ko leh ya waroh ki MDC wa ki toh u pynlai yumut ki wow yada ya ka jaitbru ha waroh ki liang deiwa chna ya ki aiñ waphær waphær wa ki Policy krehkaam waphær waphær ym toh wow boonkaam wow yaknieh poisa wei wow pynhaap chuki.

Ini toh katkam ka khubor na u Roykupar Synrem, General Secretary HYC, CEC.

Share this:
Previous

Sdang i pynkhooid i pynchna ya iwa ieh u Cyclone Fani chadien

Next

5 sngi sangeh i taan um ha Ksan neidaw wa chlai ka wah Leteiñ