Shillong: Ki heh yong ka National Commission for Scheduled Tribes ynne ka sngi da wan ki ha Shillong wow yachem wa kiwa mihkhmat paidbah nadooh ki District Council, wa kiwi kiwi.
Ha kani ka sngi ki heh ka seiñ saiñ hima ka Lok Janshakti Party (LJP) Meghalaya State hapoh i yahkhmat u President yong ka, u Jamil Ahmed da yachem ki wa ki heh ka NCST wow booddien ya i dawa ka seiñ.
Kam wow pynkynmoo heini ka seiñ da phah dorkhat ko cha u Narendra Modi ha ka 22 Khonchonglad 2018 heiwa da dawa ko wow pyndam u kyrriah ya ka yung krehkaam ka NCST na Shillong, wow pynboon ya kiwa kreh wa kiwi kiwi ki phang wa yatoh wa ka jylla.
Ynne ka sngi hawa yaklam wa u Jamil da ong u wa i yachem wa u Chairman ka NCST u Dr. Nand Kumar Sai da kular u wa ym kyrriah de ya ka yung krehkaam wa khlieh dooh (Headquater) ka NCST neibynta ka thaaiñ mihsngi na Shillong wei wow man ko kam ka yung krehkaam wa pura neibynta ka thaaiñ.
Heiyatoh won wa i duna kiwa kreh ha kani ka yun krehkaam, neiliang u Sai da ong u wa daw booddien ko yeini iwa emkaam waroh.
Also Read: Dawa ka LJP-Meghalaya wow pynneh ya ka chnat krehkaam ka NCST ha Shillong
Discussion about this post