E dorkhat ka KSU cha ka NCST yow pyrkhat ya iwa emkaam ki paaid ka thaaiñ mihsngi

Shillong: Ka Khasi Students’ Union (KSU) ynne ka sngi da yachem ko wa u Chairman ka National Commission for Scheduled Tribes (NCST) yow pynsñiaw ya i eh i khoo ka jaitbru Ynñiawtrep kiwa chong chnong ym du hapoh ka jylla Meghalaya wei da em ki leh ha ki kattu katni ki thaw ka jylla Assam, Mizoram, Manipur wa Tripura.

Ka KSU haka dorkhat wa e ko cha ka NCST da ong ko wa ka yungkrehkaam ka NCST wa em ha Shillong man ko kawa duna ki bru wa kreh wei emkaam wow pynbiang ya kiwa kreh yow ye u e ya ka chakri wa toh rukom cha ki paidbah.

Hadien wa phiah ya ka National Commission for Scheduled Castes waka Scheduled Tribes jar jiar ha u snem 2004, ka yungkrehkaam wa em ha Shillong da pynkit haka wow pait ya ka jylla Meghalaya, Assam, Arunchal Pradesh, Nagaland, Mizoram, Manipur wa Sikkim kiwa man ki jylla kiwa em jar jiar ki dustur riti, kamtæ emkaam wow pynbiang ya ka yungkrehkaam deiwa pynman ya ka kam ka Directorate wa pura.

Ka KSU da pynkynmoo ko leh ya ka Commission wa ki jylla wa em haka thaaiñ mihsngi wa ki jaitbru wa em haka pher ki na kiwi nadooh ka ktien ka thylliej, i thaw wan ki hadooh i thrang mynsien ki naka ri waroh kawi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh ka seiñ da ong ko wa i yajan ka thaaiñ waka Bangladesh waka Nepal da wanrah ko yei wan toor ki baar ri chapoh kini ki jylla wei emkaam ka sorkar pyrdi wa ki sorkar jylla wow yada ki yei hok yong ki tre ri, tre chnong.

Da pynkut deiwa kyntu ya ka Commission wow tuklar yeiwa jia haka NEIGRIHMS iwa da ktah ya kiwa wan chah sumaar.