Shillong: Ka National Commission for Scheduled Tribes (NCST) ynne ka sngi da yachem ko wa u montri rangbah ka jylla, u Conrad K Sangma wow yaklam neibynta wow pynneh pynsah ya ka riti dustur ki jaitbru ha kani ka jylla.
U Chairman ka NCST, u Nand Kumar Sai da ong u wa ka Commission smat ko wow krehlang wa ka sorkar neibynta wow pynneh ya ka riti dustur ha ka thaaiñ wei kamjooh leh neibynta ki khynroo khyllood wow im ki katkam ka juk wa katni.
Heijooh i por da yaklam leh hajrong i kaamram ki Autonomous District Council (ADC) hapoh ka jylla ki wow pynneh ya kini ki riti ki dustur wa da yah da kiwa rim khnang wow ye u yada ya ki ha ki por wow wan.
Heijooh i por da ong u wa ka Commission chimkhia ko leh wow pynneh pynsah ya i rukom sumaar da ki dawai kynbat
Ynne ka sngi ka Commission da lai yachem ko leh wa ki sahep sorkar wow ap yei eh i khoo wa yachem ki Autonomous District Council (ADC) hapoh jylla.
U Nand Kumar Sai da yaklam u leh wa ka sorkar jylla hajrong i e ya ki kot wa emkaam wa kam ki Certificate Scheduled Tribe (ST) kawa toh u e noh da ki ADC, ka rukom e yarap poisa wei wow pait bniah ya ki Bill wa da mynjur da ki ADC neibhah wa boon ki aiñ man ki kiwa sahkut.
“Ka sorkar jylla wa ki District Council toh ki yong ki paidbah ri-loom hi, i da yaklam i ya i eh i khoo wa da pynsñiaw da ki ADC wei nga sñiaw O wa ya kini waroh toh u pynbait lang chirup, wei ka Commission daw leh ko ya iwa emkaam,” da ong u Chairman ka NCST.
Discussion about this post