Jowai: Ka lympung yalehke football kawa 7 ngut chiliang namo ka 7 A-side Football Tournament wa pynlai da ka Sports & Games Committee ka chnong Panaliar ynne ka sngi da poi noh ko chawa kut heiwa ha kani ka lympung da wan yachim bynta da 34 tylli ki dhab.
Ha kani ka sngi pynkut da wan pynhaap pyrda ya ka da u DSO ka East Jaiñtia Hills, u Khroobok Passah kam u kongsan hei emlang u MDC ka Jowai South u Saron Paswet.
Chwa wow sdang ka yakhun Final da em ka yalang wa pynlai da u Phrangki Lakadong uwa man kam u Chairman ka Committee wei da yoh ya ki kyntien ngoohblai na u Lamyooki Chullai wa i klam na u Secretary ka Dorbar Chnong u Careme Phawa wa ki kyntien e khublei na u Owaker Paswet uwa man kam u Secretary ka Committee.
Ka yakhun Final da man ko hapyrdi ka Iong Lok pyrchah ya ka Sam FC heiwa ka Iong Lok da man ko kawa jop deiwa thap 2-0.
Ya i naam Man of The Match ynne ka sngi da yoh da u Habamut Nongrum katwa yei naam Best Goalkeeper da yoh da u Pyrchang Nongrum.
Discussion about this post