theme-sticky-logo-alt
theme-logo-alt

Sdang ka 1st U Adelbert Laloo Memorial Trophy ka WJDSA

Jowai: Ynne ka sngi ka WJDSA da sdang ko yaka yalehke 3rd Division kawa tip ha uni u snem kam ka “1st U Adelbert Laloo Memorial Trophy” wei da wan chibynta 35 tylli ki liang kiwa da yabhah ha ki phra tylli ki Pool.

Heiwa ki liang wa em ha ki jar jiar ki Pool man ki kamni ha wah:

Pool- A

Riatsaliya Mihmyntdu SC, Mynso Blossom SC, Khliehmyntdu Neinchnong SC, Sookhlieh Thadbamon SC wa Pasyih Dongmihsngi SC.

Pool- B

Lumchyrmang Mihmyntdu SC, Mulang Ialong SC, Catholic Youth Mihmyntdu SC wa ka Pateinki Sabah SC.

Pool- C

Myrjai SC, Mynsngat SC, Mookyrdup SC, Loompyrdi Iongpiah SC wa ka Youth Welfare Pynthorlangtein SC.

Pool- D

Chyrmang Nein SC, Mooknor Thadmuthlong SC, Mookaswan SC, Lumkhangdong Kyndong- Tuber SC wa Pamanik SC.

Pool- E

Shangpung Khliehmoochut SC, Mustem East SC, Moodymmai SC wa Salini Mihmyntdu SC.

Pool- F

Ka Lumkyrwiang SC, Nangbah Pohshnong SC, Mookymphad Mihmyntdu SC wa Chiruplang SC.

Pool- G

Iong- I Da Hi SC, Saindur Mihmyntdu SC, Mookyndur SC wa Chyrmang Wah SC.

Pool- H

Newhill SC, Sailung Ialong SC, Samaro SC wa Pasyih Cultural SC.

Ya ka 1st Adelbert Laloo Memorial Trophy toh kawa da e pyrtuid yow pynneh yei naam wa ya i pyrtuid u (L) Adelbert Laloo uwa man uwi wa maya yaka yalehbol kamjooh uwa yalehke wa pawnam ha ki por wa nachwa, ha i jooh i por man u leh uwa embynta wow ya krehlang neibynta wow kyntu kynrong yaka West Jaiñtia District Sport Association wei na kini ki daw da e pyrtuid yaka 3rd Division hei pyrtuid yong oo.

U E.M.H Passah uwa man leh u khon yong u (L) Adelberth Laloo hawa e yei klam kam u kongsan da pynsñiaw u yei kmen wa da pynsah naam ya u pa yong ki. Kamtæ da kitbok kitrwiang u yaka WJDSA wow ku chooh chooh ko wei wow pynmih ko ya ki khloor yalehke ki wow mihkhmat yaka District haka jylla wei kamjooh cha kiwi ki kyrdan wa heh.

Ka yalehke wa nyngkong ka 1st Adelbert Laloo Memorial Trophy da pynman hapyrdi ka Chiruplang SC waka Lumkyrwiang SC, heiwa ka Chiruplang da jop suk ko da 5-1.

Yaka Chiruplang da thap kool da u Daiohbor Shullai haka minit wa 12, 67 wa 70, u Riteen Shadap haka minit wa 63 wa u Debor Kassar haka minit wa 74.

Yaka Lumkyrwiang da thap kool da u Ohipaia Laloo haka minit wa 52.

Share this:
Previous

Pynkut ka Meghalaya Football Association yei lehkmen yaka AFC Grassroots Day

Next

Rah ka Iong Lok ya ka 7 A-side Football Tournament ka Panaliar