Da ka Executive Order u pynmih ka KHADC wow khang yei e NOC wow dai thaw cha ki chipai

Shillong: U Deputy Chief Executive Member ka Khasi Hills Autonomous District Council (KHADC) uwa pait ya ki kaam Elaka, u Pyniaid Sing Syiem da ong u wa ka KHADC da chimkhia ko wow pynmih noh da ka wi ka Executive Order wow khang ya waroh ki khlieh synchaar nadooh ki Syiem, ki Sirdar, ki Sordar, ki Rangbah Shnong, Wahadadar wa ki Lyngdoh wa ymye de ki wow e bor namo e NOC cha ki chipai khlem em ka dorbar paidbah.

U Pyniaid da pyntip u leh wa ka rai toh wa ka Council ym pdiang ko yei paan NOC wow dai thaw ha ka Raid Marwet cha ki chipai BSF wei ka KHADC daw chimkhia ko ya ini hanlada kani ka thaw wa thmu wow dai toh ka yong ki bru samen.

Hajrong i mih khubor wa em i thmu wow dai thaw cha ki BSF, u Dy. CEM da ong u wa ka Council haap chimkhia ko lada toh ki thaw samen neibhah wa man ko ka thaw wa heh wei kawa ye wow ktah ya ki paidbah tre chnong wa em ha katai ka thaaiñ.

Ynne ka sngi neiliang ka Khasi Student Union (KSU) da yachem ko ya u Dy. CEM wow pynsñiaw yei pyrchah wow dai ya ki thaw wa hadooh 7000 Acre cha ki chipai.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Heijooh i por u Pyniaid da ong u wa ka Council da yoh ko ya ka chithi na ka Hima Mylliem ha ka 22, Wisu uni u snem wow pyntip cha ka Executive Committee wa da em i paan NOC neibynta wow dai ya i thaw tangwa neiliang ka Executive Committee ym em pdiang ko yeitæ.

Da ong u wa katkam wa sñiawthooh kani ka thaw toh ka yong ki bru samen, uwa da eburom ya ka dorbar Hima Mylliem kawa da pyntip smat ya ini i kaam cha ka KHADC.