Yoh u Michael wa u Syiem T. 8 lak na u Contractor wow chna ya ka sarok ha Balakhawa

Shillong: Ka Khasi Hills Autonomous District Council (KHADC) ynne ka sngi da khut hajir ko ya u Secretary ka Hima Nongspung hajrong i awri awra wa mih ha ka chnong New Balakhawa wow chna ya ka sarok na ka Scheme Pradhan Mantri Gram Sadak Yojana (PMGSY) da u Contractor na Assam wow pynyabi ya ka West Guwahati, Assam wa ka New Balakhawa, Ri-Bhoi District.

Hawa yaklam wa u Deputy Chief Executive Member ka Khasi Hills Autonomous District Council (KHADC) uwa pait ya ka kaam Elaka, u Pyniaid Sing Syiem da ong u wa neiliang u Michael Warjri da wanrah u da ka dorkhat hajrong i awri wa mih ha Balakhawa, wei da ong wa u Michael da klam che u wa oo wa yasoi ya ka soskular wei da yoh u ya ka poisa kawa T.8 lak na u Contractor.

U Pyniaid da ong u wa hadien i takit, u Michael da pyntip u wa da leh u yeini dei sñiawthooh yumut wa u Syiem ka Hima Nongspung, u Patrick Syiemiong.

Da ong chooh chooh wa ka Council da yoh lut ko ya ki kot ki sla wei katni dang emkaam wow bichaar bniah heiyatoh wa ki kot ki sla chwa wow chim ya ka rai. Da ong wa ka KHADC daw khut biang ko ya kini ki ar ngut chwa wow e ka rai wa khaddooh.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U Pyniaid da ong u wa lada ka KHADC chem ko yi wa emkti daw pynchitom ko ya ki neibhah kani ka kaam ktah ko ya ka ri wa ka jaitbru.